UPC kawh rawn an nih hma hian kohhran hrang hrangte hian an in enfiah ve phawt chu a ngai ang.

Kohhran inthen darhna hi doctrine khat vuan intite zingab pawh a awm reng a. Kum tin an inlaksak tawn a nih hi. Chhim leh Hmar lama inben bel tuma hmalakna awm reng hi a reh thei lo chu a nih hi maw.
Zoram mai a ni lo va, India ram chhunga fellowship karah pawh ram inchuhna a thleng tih hi phat rual a ni lo. Kohhran lian inti pakhat chuan Mizo Kristian Fellowship an tiphel phawk phawk duh a ni a, chutihlaia UPC demna comment tam tak hian hei hi an ngaihtuah a ngai hle.
Zoram pawl liante inhrui pawhnain Zoram politics thlenga a nghawng nasatzia hi a hmu thiam chuan an hre ngei bawk ang.
UPC te hian mi kohhrana awmsa hi an laksak reng ngawt lo va, member an chan kumtin ve bawk asin. Pawl dang rawng bawltute hian an thlem lo a ni hauh lo. An inbei lo a ni hauh lo tih hi. Hmuh kan bik leh hmuh theih bik nei hi kan tam em a ni zawk.
Kohhran hi hnam bila humhim tum emaw, chumi hnam hrim hrim chu chumi kohhranah chuan a awm ngei ngei tur a ni tih ang rilru pua kohhran hruai hi a hlauhawm ber awm e. Hnam khat nih avanga pawl khata awm vek tura ngaihna hi sakhaw vawn dan hlauhawm ber a ni ang. Miin a rinna leh dik a tih avangin kohhran chu a vuan tur a ni. Mi rin dan tur leh vawn dan tur thlenga relsak tum hi mahni mawng hlimna mai a ni.
He pastor hian a chak lohzia a pho lang a ni mai zawk a. A memberte hnam khat an nih avang ngawta an kohhrana awm ngar ngar tur leh peng lo tura force taka a beisei ngawt hi a zahthlak hle. Dicipleship awmzia hi hre chiang lo hle tihna a ni. Memberte chu thu takah a chawm lian tur a ni a. Memberten tha an tih chuan an lo ei ang a, an awm reng bawk ang. Ei tur an hmu lo a nih chuan, tha leh dik nia an hriat chu an ei mai ang. UPC-a lutte hi chhia leh tha hmang thiam an ni ang tih a rinawm a; an chhia leh tha hriatna pawh zahsak loa pastor berin thu a chhuah rup rup ta mai hi, amah leh amah a intitlawm a, a chak lohzia a tilang chauh zawk a ni.
Hnam bila sakhuanna leh kohhran ding hian a nihna takah chuan Zoram hi min then darh nasa viau zawkna ni. Mahni mita khanchhuk hmu lo a, mi mita hmawlhte lo hmuh len hi a awl khawp a. Tuna demna thu sawitu tam tak hian heng hi an hmu thei hauh si lo a nih hi.
Kan vengah hian kohhran kan awm tam hauh lo a. Kohhran pakhat chuan Biak Inte an rawn sa hluai mai a. Kan khap kher lo a, kan diriam hek lo. Tunah chuan member awmzui an awm tawh lem lo bawk. UPC zaa 90 te an awmna khuate pawh an awm a. Kohhran dang pakhat chuan member tlem neiin, Biak Inte pawh an saksak bawk a. Heti anga letter head nen lama thu chhuah rum tak nena beih an ni ngai lo. Tha te tein tun thleng hian an la awmho vek thei a. Chutihlaia heti ang thu chhuah mawlmang lutuk hmuh tur awm ta hi a pawi a, an mawng an hlim a ni mai e.
Ka lawm e.
About the author: Stoiker Aurelius
Tell us something about yourself.

Get involved!

Everyone belongs here. Everyone has a say!
Connect, share, and discuss!

Comments

No comments yet